តើអាស៊ានអាចធ្វើអ្វីខ្លះ ដើម្បីដោះស្រាយវិបត្តិភូមា?
នៅភូមា ស្ថានការណ៍កាន់តែអាក្រក់ បន្ទាប់ពី កងទ័ព បើកប្រតិបត្តិការបង្រ្កាបហិង្សា ដើម្បី បំបែកក្រុមបាតុករ ដែលចុះថ្នល់តវ៉ាប្រឆាំង រដ្ឋប្រហារទម្លាក់រដ្ឋាភិបាលស៊ីវិលរបស់លោកស្រី អ៊ុងសាន ស៊ូជី។ នៅថ្ងៃអង្គារនេះ ប៉ូលិស ទាហានភូមាបានបាញ់គ្រាប់កាំភ្លើងពិតទៅលើបាតុករ ដែលជាហេតុធ្វើឲ្យមនុស្សយ៉ាងតិច ៣នាក់រងរបួសធ្ងន់។ នៅ ថ្ងៃអង្គារនេះដែរ រដ្ឋមន្រ្តីការបរទេសអាស៊ានបានប្រជុំបន្ទាន់ តាមវីដេអូសន្និសីទ ជាមួយ អ្នកតំណាងកងទ័ពភូមា ដើម្បី ទាមទារឲ្យរបបសឹកភូមា ឈប់ប្រើកម្លាំង បង្រ្កាបដ៏ហិង្សាទៅលើបាតុករ។ (ប្រភពរូបភាព៖ ទីភ្នាក់ងារAP និងReuters)
