អាស៊ាន អាចជាគន្លិះ ក្នុងការបើកផ្លូវដោះស្រាយវិបត្តិនៅភូមា?
វិបត្តិនយោបាយនៅភូមា កាន់តែលង់ជ្រៅទៅ នៅក្រោយរដ្ឋប្រហារយោធាកាលពីថ្ងៃទី១កុម្ភៈ។ បាតុកម្មរបស់ប្រជាជនភូមា ត្រូវបានក្រុមសមត្ថកិច្ច ប្រើកម្លាំងបង្រ្កាប កាន់តែខ្លាំាងឡើង។ យ៉ាងហោចណាស់ មានបាតុករជាង៣០នាក់ បានស្លាប់។ សហគមន៍អន្តរជាតិ បានថ្កោលទោសការប្រើអំពើហិង្សាទៅលើបាតុករ និងបានទាមទារឲ្យក្រុមយោធា ដោះលែងលោកស្រីអ៊ុងសាន ស៊ូជី និងអ្នកទោសនយោបាយឯទៀត។ សហភាពអឺរ៉ុប និងសហរដ្ឋអាមេរិក បានសម្រេចទណ្ឌកម្មដោយចំពោះ ដាក់ទៅលើមន្ត្រីមេទ័ពធំៗរបស់ភូមា។ តែយ៉ាងណា រហូតមកទល់ពេលនេះ ពុំមានសញ្ញាណណាមួយ បង្ហាញពីការបន្ទន់ឥរិយាបទរបស់ក្រុមយោធាភូមាទេ។ ខណៈដែលប្រទេសមហាអំណាច មិនអាចធ្វើអ្វីបានច្រើន គេបានបង្វែក្តីសង្ឃឹមនេះ ទៅក្រុមប្រទេសសមាជិកអាស៊ាន ក្នុងការបើកផ្លូវចរចា ជាមួយកងទ័ពភូមា។ https://www.rfi.fr/km/កម្មវិធីផ្សេងទៀ...
