Report TV - “Çfarë pa kryeshërbëtorja”Kostani Malkaj, Paja përgjigjen me komedi

“Çfarë pa kryeshërbëtorja” është premiera më premtuese dhe më provokuese që pritet të ngjitet ne Teatrin Kombëtar Eksperimental “Kujtim Spahivogli”. Kjo dramë e viteve '60 e dramaturgut anglez Xho Orton bashkon në skenë potencialin komik të gjuhës me absurditetin e manifestimeve fizike të sjelljes njerëzore. ‘’Një përcaktim fare i thjeshtë. Ne kemi këtë termenin feminist. Një mashkull feminist që mund të jetë një donzhuan. Po çfarë e bën një shef feminist. Dhe ku ndryshon ky mashkulli nga një shef feminisit?’’-u shpreh Fuga. Risia e kësaj premiere është se ngjitet ne skenë, jo nga një, por nga tre regjisorë Kiço Londo, Ina Morinaj e Ledian Gjeçi. ‘’Pasja e 3 regjisorëve në një shfaqje është provokimi më i thjeshtë. Në Teatrin Kombëtar Ekperimental po afrohen jo vetëm të rinj, por po afrohen njerëz të rinj në moshë por me vlera të mëdha, dhe mjaft të dashur për publikun shqiptar’’,-u shpreh Londi. A do të mjaftonin tre regjisorë për të sinkronizuar bukur profilet e veçanta te aktorëve më të njohur shqiptarë në skenë Mehdi Malkaj, Rozi Kostani, Genci Fuga, Gazmand Paja, Laura Nezha e Ilia Kaçi.