أسباب اختلاف العلماء و كيف نتعامل مع المسائل المختلف فيها
ليه في مسائل كتير جدا فيها خلاف وفيها قولين وثلاثة هو المسلمين دول مبيتفقوش على حاجة أبدا ، ليه ميكونش في رأي واحد بدل الحيرة دي ، ليه العلماء بيختلفوا ونتعامل ازاي مع الاختلاف ده ــــــــــــــــــــــــــــــــــــــــــــــــ لينك فيديو الخلاصة في زكاة الفطر : • الخلاصة في زكاة الفطر تابعونا من خلال الروابط التالية : / kalematube / ismail.neamatallah / ismailnematalla وشاهد الفيديوهات السابقة ولا تنسى الاشتراك في القناة ـــــــــــــــــــــــــــ بين كل فترة والتانية بنلاقي معارك طاحنة بين الناس بناء على تبني كل مجموعة منهم رأي فقهي معين وتتوالى الاتهامات على المخالف بالتبديع والتفسيق وممكن توصل للتكفير الأمر اللي يخلينا لازم نوضح هما ليه العلماء بيختلفوا أساسا هو مش الشرع واحد أمال ليه الفرقة دي وهنا نقول إن أسباب الاختلاف بين العلماء كثيرة وكلها أسباب طبيعية مينفعش معاها إنكار هوضح بعضها في الفيديو ده عشان تتضح الصورة ونتقبل الخلاف ده وقلوبنا مرتاحة بدون مايكون فيها شك لكن أحب أنوه إن مساحات الاتفاق كتيرة جدا أكتر من مساحات الخلاف لكننا مبنحسش بيها لأنها لاتثار أصلا يعني عمرنا ماشوفنا حد بيناقش صلاة الظهر 4 ولا 5 ركعات لانها من الأمور المتفق عليها وهكذا -خش في الموضوع ياكبير متسوحناش في رغيك ده من أهم أسباب الخلاف الاختلاف في ثبوت الدليل يعني بعض العلماء بيضع شروط معينة عشان يقبل الحديث مثلا ويحتج بيه الشروط دي بيخالفه فيها عالم تاني فبينتج عن كده إن واحد يثبت عنده الدليل وواحد لأ فالبتالي يختلف الحكم بينهم في المسألة الواحدة ياعم ده أحيانا هما الاثنين بيستندوا لنفس الحديث وكل واحد يطلع منه بكلام انت متخيل يابا المدعكة اللي احنا فيها ماهو ده السبب الثاني من أسباب الاختلاف ياعمده اللي هو الاختلاف في فهم النص يعني العلماء متفقين على ثبوت الدليل لكن كل واحد بيفهمه بطريقة مختلفة عن التاني وده حصل مع الصحابة في زمن النبي لما قالهم ( لايصلين أحدكم العصر إلا في بني قريظة ) بعضهم فهم الكلام على الظاهر وقالك احنا مش هنصلي إلا لما نوصل وبعضهم فهم ماوراء النص وقال لأ النبي كان يقصد انه يستعجلنا بس احنا هنصلي العصر في وقته ولما ذهبوا للنبي وعرف اللي حصل أقر الرأيين ومغلطش حد فيهم السبب الثالث من أسباب الاختلاف هو التصحيف يطلع ايه التصحيف ده ياكبير التصحيف ببساطة خطأ بينتج من عدم وضع النقاط على الحروف لأن زمان اللغة العربية كانت بتتكتب بدون نقاط وخليني أضربلك مثال عشان توضح المعلومة تخيل لو في واحد اسمه أبو الجوزاء وواحد اسمه أبو الحوراء ، أبو الجوزاء ده راجل ثقة ورواياته يؤخذ بيها لكن أبو الحوراء ده شخص كذاب ومدلس ولا يؤخذ بكلامه طب لما يكونوا هما الاتنين بيتكتبوا كده(أبو الحوراء) ايه اللي يحصل ، بعض العلماء ينسب الرواية للثقة فيعمل بيها وبعضهم ينسبها لغير الثقة فميعملش بيها فيقع الخلاف السبب الرابع وجود معارض راجح للدليل يعني ممكن يبقى عندي دليل ثابت لكن في دليل تاني ثابت برضه بيعارضه وبيقول كلام عكسه وبالتالي يختلف العلماء أي الدليلين أقوى وهنرجح ولا في طريقة ممكنة للجمع بينهم وبالتالي ينتج الخلاف وغير الأسباب اللي ذكرتها في أسباب تانية كتير زي اختلاف العلماء في القواعد الأصولية اللي بيبنوا عليها الأحكام زي اختلافهم في حمل النص العام على النص الخاص والمطلق على المقيد و حجية مفهوم المخالفة.وعمل الراوي بخلاف روايته وغيرها من القواعد ايه ياعم الألغاز دي حيلك حيلك ايه مطلق ومقيد وترجيح ايه الكلام ده ياعم تعاويز دي ولا ايه بصراحة أنا تهت منك ومبقيتش فاهم انت عاوز تقول ايه الخلاصة ياعمدة ان لازم يكون فيه اختلاف بين العلماء وربنا لو أراد ان ميكونش فيه خلاف كان جعل الأحكام كلها قطعية مفيش فيها مجال للاجتهاد لكن من رحمته بينا ترك المجال مفتوح للاجتهاد والكل مأجور طالما انه مبينقيش شواذ الأقوال والآراء وطالما بياخد بقول مبني على دليل وقواعد صحيحة طب أنا ياعم آخد براي مين في الخلافات دي كلها بص ياعمدة انت لما بتتعب وبتحتاج تروح لدكتور في تخصص معين بتعمل ايه ؟ بدور على أفضل دكتور وأروحله ياعم ماهو العمر مش بعزقة يابا أهو نفس القصة الدين برضه مش بعزقة لما يبقى في اختلاف بين العلماء بدور على الأعلم والأورع والأوثق وآخد برأيه وحط تحت الأورع دي 10 خطوط لأن بقى فيه كتير بياكلوا بدينهم اليومين دول وفي نفس الوقت منكرش على اللي بياخد برأي عالم تاني طالما المسألة يسعنا فيها الاجتهاد فالقاعدة العامة بتقول لاإنكار في المختلف فيه طب حلو أوي الكلام ده أنا دلوقتي فهمت هما بيختلفوا ليه ؟ لكن برضه انت قعدت ترغي ومقولتليش أعمل ايه في زكاة الفطر عمده ! طولنا على الناس أوي هنعمل فيديو تاني للموضوع ده ونسيبلهم اللينك في صندوق الوصف
