BCM Ramzotlang, Lunglei programme to Kauchhuah CBC

16th.02.2021(Tuesday) chawhnu laamah BCM Ramzotlang, Lunglei kohhran hruaitute leh Zawlpui bialtu Pastor Rev. Lalrammuana Punte hovin CBC kauchhiah biakin sak ṭanpuina ₹ 30000/- (cheng singthum) lai min hlan a, Zawlpui bialin silpoulin ṭha tak pakhat min pe bawk. Chakma Baptist Church Kauchhuah hian January,2021 atang khan biakin sak tumin a hmun kan lai a, awmlo ata awma min siamtu Pathian hausakzia kan experience nasa tawh hle mai. Biakin hmun kan laih tan hma hauhin 25th.12.2020, krismas niin Zawlpui Pastor Rev. Lalrammuana'n min rawn tlawh a, a thiante nena an thawh khawm ₹ 1000/- min lo pe a. 14th.02.2021 ah Rev. Muantea bawk lo kal lehin hming thupin ₹ 5000/- kan biakin sakna atana a kuta a lo dah chu min pe a. Vawiin ah ₹ 30000/- BCM Ramzotlang ten min hlan leh a ni! Kan Pathian hi a va hausa em! Kan kam tamin kan sawi darh leh kan dil pawh ni lo, Pathianin a rawn tirh avanga kohhran nu leh pate hnen atanga amah Pathianin min ngaihsakna hi CBC Kauchhuah te hian chiang takin hrethiam ila aw..... A HMANGAIH, A FATE KAN CHÊT HLEKA MIN PUIH CHÂK AVANGA AWM HLE HLE THEI LO PATHIAN KAN NEI TIH HI.