MLC Kavitha Attends ED Office | ED ఈడీ విచారణకు హాజరైన ఎమ్మెల్సీ కవిత

దిల్లీ మద్యం కుంభకోణం కేసులో భారాస MLC కల్వకుంట్ల కవిత ఎన్ ఫోర్స్ మెంట్ డైరెక్టరేట్ ఎదుట హాజరయ్యారు. తుగ్లక్ రోడ్ లోని KCR నివాసం నుంచి 10 వాహనాల కాన్వాయ్ లో బయలుదేరిన కవిత.... ED కార్యాలయానికి చేరుకున్నారు. అనంతరం తన పిడికిలి బిగించి అభివాదం చేస్తూ.... కార్యాలయంలోకి వెళ్లారు. కవితకు మద్దతుగా మంత్రి శ్రీనివాస్ గౌడ్ ఈడీ కార్యాలయానికి వచ్చారు. వాస్తవానికి ఈ నెల 9న విచారణకు రావాలని ఈడీ కవితకు నోటీసులు జారీచేయగా.... ముందస్తు కార్యక్రమాలున్నందున 11న వస్తానని కోరింది. ఈ మేరకు గురువారం సాయంత్రమే హైదరాబాద్ నుంచి దిల్లీకి చేరుకున్న ఆమె.... మహిళా రిజర్వేషన్లపై నిన్న దీక్ష చేపట్టారు. దిల్లీ మద్యం కేసులో కవితను ఎన్ ఫోర్స్ మెంటు డైరెక్టరేట్-ED ప్రశ్నించనున్న నేపథ్యంలో మంత్రులు KTR, హరీశ్ రావుతో పాటు శ్రీనివాస్ గౌడ్ తో పాటు ఎంపీలు వెంకటేశ్ నేతకాని, ఇతర నేతలు దిల్లీకి వెళ్లారు. ఇవాళ విచారణ ఉన్నందున ఉదయం నుంచి దిల్లీలోని కేసీఆర్ నివాసం వద్ద ఉద్విగ్న వాతావరణం నెలకొంది. ఉదయం నుంచే పెద్దఎత్తున కార్యకర్తలు, నాయకులు అక్కడికి చేరుకుని, కవితకు మద్దతుగా నినాదాలు చేశారు. ఈడీ కార్యాలయానికి వెళ్లే ముందు మంత్రులు హరీశ్ రావు, కేటీఆర్ తో కవిత సమావేశమై... పలుఅంశాలపై చర్చించారు. అనంతరం, భర్త అనిల్ , న్యాయవాదులతో కలిసి కవిత ఈడీ కార్యాలయానికి బయలుదేరారు. అప్పటికే నివాసం వద్దకు పెద్దఎత్తున చేరుకున్న కార్యకర్తలకు ఆమె అభివాదం చేశారు. కవిత విచారణ సందర్భంగా ఈడీ కేంద్ర కార్యాలయం పరిసరాల్లో భద్రతను కట్టుదిట్టం చేశారు. భారాస కార్యకర్తలు, నేతలు ఈడీ కార్యాలయానికి చేరుకోకుండా దిల్లీ పోలీసులు ముమ్మర భద్రతా చర్యలు తీసుకున్నారు. ఎలాంటి అవాంఛనీయ ఘటనలు చోటుచేసుకోకుండా ఎక్కడికక్కడ బారికేడ్లు ఏర్పాటు చేశారు. --------------------------------------------------------------------------------------------------------------------------- #etvtelangana #latestnews #newsoftheday #etvnews ------------------------------------------------------------------------------------------------------ ☛ Download ETV Win App to Watch All ETV Channels for both Android & IOS: https://f66tr.app.goo.gl/apps ------------------------------------------------------------------------------------------------------ For Latest Updates on ETV Telangana Channel !!! ☛ Visit our Official Website: http://www.ts.etv.co.in ☛ Subscribe for Latest News - https://goo.gl/tEHPs7 ☛ Subscribe to our YouTube Channel : https://bit.ly/2UUIh3B ☛ Like us :   / etvtelangana   ☛ Follow us :   / etvtelangana   ☛ Follow us :   / etvtelangana   ☛ Etv Win Website : https://www.etvwin.com/ -------------------------------------------------------------------------------------------------------