2012復活節讚美二

1.佇半暝 客西馬尼花園內面，更深夜靜黑暗淒凊，滿心痛苦我主人君，孤單祈禱通暝無睏。佇半暝萬物攏恬靜，救主驚惶心神爭戰。(佇半暝，佇半暝。)總是祂所愛之門徒，未體會主苦痛心清。佇半暝天使從天來，帶因所知屬天之歌。世人未曾聽著之聲，安慰救主悲傷心肝。佇半暝為眾人罪過，痛苦之人子流血汗。(佇半暝，佇半暝。)我主雖然跪落擘腹，卻未被主上帝放拺。客西馬尼花園內面，更深夜靜黑暗淒凊，(佇半暝，佇半暝。)滿心痛苦我主人君，孤單祈禱通暝無睏 2.著將祂釘佇十架 將祂釘死！(將祂釘死！) 將祂釘死！(將祂釘死！)來看猶太人的王！呸涎咒詛！(呸涎咒詛！)戲弄恥笑！(戲弄恥笑！)著將祂釘佇十架。祂受看輕，憂傷之人子，常常遇到憂悶。被世人放拺，受打受苦楚，猶久祂無開祂之嘴。將祂釘死！(將祂釘死！) 將祂釘死！(將祂釘死！)著將祂釘佇十架。祂從活命中受剪除，為著咱之罪祂受鞭打。祂親像羊仔受刣，卻攏無出半聲。咱攏親像羊行迷路，逐人攏自己行自已之路。總是耶和華使咱眾人之罪過歸佇祂。將祂釘死！(將祂釘死！) 將祂釘死！(將祂釘死！)來看猶太人的王！呸涎咒詛！(呸涎咒詛！)戲弄恥笑！(戲弄恥笑！)著將祂釘佇十架。著將祂釘佇十架。 3.傷心思念我主流血 傷心思念我主流血，啥事受死為我？甘願放拺榮光座位豈是欲拯救我？.豈是為著我之罪過，祂受苦佇十字架？奇妙之憐憫，恩典與慈愛超過一切。燦爛日頭今變黑暗，一切榮光消失，大權能創造之主，今為咱罪人受死。當主十架顯現之時，我可掩我之面；致到我心充滿感激，眼淚淋漓未盡。雖流眼淚，亦未報答主之恩典愛疼。我獻自己佇主面前，(我獻自己佇主面前，)我獻自己佇主面前，盡我一切表明。