प्रतिबालाजी मंदिर | केतकावळे | पुरंदर | पुणे | Prati Balaji Temple | #marathivlog

नमस्कार मंडळी भटकंतीमध्ये आपले स्वागत. आजच्या भटकंतीमध्ये आपण निघालोय केतकावळे येथील प्रति तिरुपती बालाजीचे दर्शन करायला. पुण्यपासून ४० किमी अंतरावर, सासवड पासून नारायणपूरमार्गे आणि पुरंदर किल्ल्याच्या पायथ्याला साधारण १८ किलोमीटरवर पाहायला मिळते केतकावळे हे छोटेसे गाव. या गावामध्ये पाहायला मिळते प्रतिबालाजी मंदिर. चिव्हेवाडीचा घाट पार करून आपण मुख्य रस्त्यावरून डावीकडे वळतो ते बालाजी मंदिराकडे जाणाऱ्या सिमेंटच्या रस्त्यांवरती. मंदिराकडे जाणारे पक्क्या सिमेंटचे रुंद रस्ते, स्वच्छआणि टापटीप पाहायला मिळतात. सिमेंटच्या भव्य गेटमधून ये जा करणारी वाहने पाहून आणि दोन्ही बाजूंनी हिरव्यागार झाडांनी नटलेला हा परिसर पाहून आपण पुरंदर मध्ये आहोत याची खात्री वाटतच नाही. रस्त्यांवरील स्वच्छता लागलीच लक्षात येते, यावरून मंदिर कसे असावे याची कल्पना येते. मूळच्या तिरुमल्ला तिरुपती येथील बालाजी मंदिराची ही प्रतिकृती.मूळचे बालाजी मंदिर व्यंकटाचल पहाडावर ८४० मीटर उंचीवर आहे. तर केतकावळे येथील हे मंदिर डोंगराच्या पायथ्याशी आहे. केतकावळे येथील हे मंदिर सुमारे २३ एकर मध्ये पसरलेले आहे. प्रत्यक्ष मंदिर अडीच एकरांवर बांधलेले आहे. मूळ देवस्थानाच्या तुलनेत हे मंदिर छोटे आहे. मुख्य मंदिराच्या बाजूने सुबक बांधणीची छोटी छोटी अनेक मंदिरे आहेत. यात सुदर्शनस्वामी, नृसिंह, पद्मावती, वेणुगोपालस्वामी अशा देवता आहेत. आता समोर पाहायला मिळते निळसर करड्या रंगांमधील मुख्य प्रवेशद्वार. प्रवेशद्वारावरील अप्रतिम असा कळस पाहून मन प्रसन्न झाल्याशिवाय राहत नाही. या सुंदर कळसावर देवी देवतांच्या शेकडो सुंदर भूर्ती कोरलेल्या दिसून येतात. हे सुंदर कोरीव काम पाहून मन भारावून गेल्याशिवाय राहत नाही. प्रवेशद्वाराच्या समोरच दर्शनासाठी रांगेत उभे असलेले भक्तगण पाहायला मिळतात. विशेष म्हणजे वीकेंड मुळे एवढी गर्दी असूनही कसलीही गडबड पाहायला मिळत नाही. मंदिराच्या बाजूने असलेल्या रांगांमधून भक्तगण व्यवस्थित दर्शन घेतात. मंदिराच्या आत मधल्या भागातील शूटिंग घेण्यासाठी मनाई असल्यामुळे ते घेता आले नाही. परंतु गर्द सोनेरी रंगांमधील आतल्या मंदिरांच्या कळसांची झलक बाहेरूनही पाहायला मिळते.मंदिराच्या समोरच भक्त निवासामध्ये भक्तांच्या राहण्याची, भोजनाची सर्व व्यवस्था केली जाते. मंदिराचा परिसर, टामटीप, स्वच्छता, व्यवस्थितपणा सारे पाहून दर्शनाला येणारे भक्त हरखून जातात. तर मंडळी , पुरंदरच्या डोंगरांगेमध्ये असणारे हे अजून एक सुंदर असे ठिकाण. देवदर्शन बरोबरच परफेक्ट वीकेंड डेस्टिनेशन पाहत असाल तर प्रति बालाजी मंदिराला भेट द्या. #balaji #balajitemple #pune