【TTCS南神報報】新聖詩系列(第9集)- 聖詩第22首 主上帝正手

聖詩第22首 主上帝正手 台語 1. 主上帝正手佇咱中間寫字，寫出仁愛權能的話； 咱衝突及失敗，咱勝利及目屎，佇主上帝正手攏有記載。 2. 主上帝正手佇咱中間指出，指出咱應該行的路； 雖烏暗霧罩倚，真容易行歪斜，佇主上帝正手咱受引導。 3. 主上帝正手佇咱中間攻擊，攻擊嫉妒、貪戀、怨恨； 咱自私及自利，咱驕傲及不義，佇主上帝正手攏受攻擊。 4. 主上帝正手佇咱中間扶持，扶持著觸跋倒的人； 祂認得咱的名，對見誚中得赦，佇主上帝正手咱受扶持。 5. 主上帝正手佇咱中間醫治，醫治破碎肉體、心靈； 祂安慰真奇妙，祂疼痛算bōe了，佇主上帝正手咱受醫治。 6. 主上帝正手佇咱中間栽種，栽種自由、向望、仁愛； 願世界眾子民同徛起，得相親 佇主上帝正手成做一體。