2022-12-25 - 聖誕節 - 02 - 相及來吟聖誕歌 [ 淡水教會 - 聖歌隊 ]

歌名： 活氣運行，有一首歌 UPON THE WIND, THRER COMES A SONG 作詞： 陳茂生 作曲： Tune: THE MOREEN Traditional Irish Melody Arranged by JOSEPH M. MARTIN 朗誦： 從古早之時，先知就用彌賽亞欲降臨之應允來鼓舞世間人。 講起有一位大君王欲用公義及智慧統治此世間，最後帶和平互世界。盼望存佇眾百姓之內心，佇「期待先知之異象及上帝應允實現」之生活中。總是，所期待的卻是幾偌世紀「無聲無影」。 百姓之信心佇絕望中搖泏，就抄尋復興之路。虔誠之人致意祈禱，渴慕佇暗暝能聽見上帝之聲。 啥時上帝才會向祂之百姓出聲講話啊？啥時彌賽亞才會來臨啊？此款「無聲無影」之狀況，啥時才會結束啊？ 今，聖神之活氣運行佇百姓中間，提醒 ，上帝之應允啲欲實現了！就是出自聖經所宣揚大歡喜之好消息。 「恁之上帝-耶和華佇恁中間，就是全能之拯救者；祂欲因為恁歡喜快樂，祂欲因為愛恁來靜靜，閣為著歡喜恁來唱歌」 （西番雅書3:17） 歌詞： 活氣運行，有一首歌， 它之信息會互全地唱歌， 久長期待盼望聖歌， 對古早就眠夢無息之歌！ 對古早時，祈禱無離， 恬靜星辰啲指示。 千萬金琴啲奏好聽音樂， 過僥疑報佳音。 活氣運行，有一首歌， 傳報天庭之心聲。 親像白雪降落世間， 上帝賞賜咱平安。 逐個傷跡成做明星， 受傷之人得醫治。 純潔話語充滿恩典， 上帝愛疼錦顯明。 恁今著知，恁之歌來臨。 起來為服事調恁心神。 因為日光出現彼時， 恁之人生就有意義。 暗暝過去，新之日子， 榮光充滿清早時！ 上帝對世人傳報祂愛疼， 祂召咱宣揚此個故事。 活氣運行，有一首歌， 它之信息會互全地唱歌！