'Hand of God' meets God | Farewell to the football legend Late Diego Maradona | Keralakaumudi
ഫുട്ബോള് ചരിത്രത്തിലെ എക്കാലത്തെയും മികച്ച കളിക്കാരന്. ഫുട്ബോള് പ്രേമികളുടെ വികാരം. ഫുട്ബോള് എന്ന മനോഹര കളിയിലെ എക്കാലത്തെയും വലിയ മാന്ത്രികന്. ബുദ്ധി കൊണ്ടും പ്രതിഭ കൊണ്ടും മൈതാനങ്ങള് കീഴടക്കിയ ഇതിഹാസം. ഡീഗോ അര്മാന്ഡോ മഡോണ. മെക്സിക്കന് മൈതാനത്തെ മേള പ്രമാണി. നാപ്പോളി ക്ലബ്ബിന്റെ ആ വീര നായകന് ഇനി ഇല്ല. കളിക്കളത്തില് ഒന്നൊന്നായി എതിരാളികളെ വെട്ടിയൊഴിയുന്ന മഡോണ കണ്ണുകള്ക്കും ഹൃദയത്തിനും നല്കുന്ന ആനന്ദം വിവരണാതീതമാണ്. മികച്ച കായികശേഷി. പന്തിന് മേലുള്ള അസാധാരണമായ നിയന്ത്രണം. അപാരമായ ഡ്രിബ്ലിംഗ് മികവ്. 1986ല് അര്ജന്റീന ചാമ്പ്യന്മാരായ ലോകകപ്പിലെ ലീഗ് മത്സരത്തില്, ഇംഗ്ലണ്ടിനെതിരെ സ്വന്തം ഹാഫില് മഡോണയ്ക്ക് പന്ത് കിട്ടുമ്പോള് അത് പന്ത്രണ്ടാമത്തെ ടച്ചായിരുന്നു. തുടര്ന്നങ്ങോട്ട് ഇംഗ്ലണ്ടിന്റെ അഞ്ച് കളിക്കാരെയും ഗോളി പീറ്റര് ഷില്ട്ടണെയും മറികടന്ന് മഡോണ പന്ത് വലയിലെത്തിച്ചപ്പോള് അത് ഫുട്ബോള് ചരിത്രത്തിലെ എക്കാലത്തെയും മികച്ച ഗോളുകളിലൊന്നായി. പിന്നീട് ഏറെ വിവാദമായൊരു ഗോള്, ആ കളിയില് അതിന് മുന്പ് മഡോണ നേടിയിരുന്നു. ചാടി ഉയര്ന്ന് കൈ കൊണ്ട് വലയിലേയ്ക്ക് തട്ടിയിട്ടൊരു ഗോള്. അത് ദൈവത്തിന്റെ കൈ ആയിരുന്നെന്നാണ് പിന്നീട് മഡോണ പറഞ്ഞത്. സ്പോര്ട്ട്സില് മഹത്വം രണ്ടുതരത്തിലാണു കാണപ്പെടുന്നതു് ആദ്യത്തേത് ഒരോരോ കാലങ്ങളിലെ മഹാന്മാരായ കളിക്കാര്. രണ്ടാമത്തേത് എക്കാലത്തെക്കും മഹത്വം കൈവരിച്ചവര്. ചരിത്രമായി മാറിയ 'ദൈവത്തിന്റെ കൈ' പതിഞ്ഞ ഗോള് പിറന്നിട്ട് 34 വര്ഷങ്ങള് പിന്നിട്ടു കഴിഞ്ഞു. അതിന്റെ കാരണക്കാരന് പിറന്നിട്ട് 60 വര്ഷവും. മാറഡോണയെന്ന അതിമാനുഷനെ കുറിച്ച് പറയുമ്പോഴെല്ലാം ആളുകള് ഓര്ക്കുക 1986 ലോകകപ്പിലെ ആ ഗോളിനെ കുറിച്ചാണ്. 1986 മേയ് 31 മുതല് ജൂണ് 29 വരെ മെക്സിക്കോയില് നടന്ന പതിമൂന്നാമത് ഫിഫ ഫുട്ബോള് ലോകകപ്പില് ഇംഗ്ലണ്ടിനെതിരായ ക്വാര്ട്ടര് ഫൈനലിലാണ് വിഖ്യാതമായ ആ ഗോളിന്റെ പിറവി. ആസ്റ്റക്ക് സ്റ്റേഡിയത്തില് ഒരു ലക്ഷത്തിലേറെ കാണികള് സാക്ഷിയായ മത്സരം. ഗോള്രഹിതമായ ആദ്യ പകുതിക്ക് ശേഷം മത്സരത്തിന്റെ 51ാം മിനിറ്റിലാണ് ടീമിനായി ക്യാ്ര്രപന് കൂടിയായ മാറഡോണ ആ കടും 'കൈ' ചെയ്തത്. മാറഡോണയും സഹതാരം ജോര്ജ് വാല്ഡാനോയും ചേര്ന്ന ഒരു മുന്നേറ്റം. ക്യാ്ര്രപനില് നിന്ന് പാസ് സ്വീകരിച്ച വാല്ഡാനോ ഇംഗ്ലീഷ് പ്രതിരോധനിരക്കാരെ വെട്ടിയൊഴിയാന് ശ്രമിക്കുന്നു. എന്നാല് ഇംഗ്ലീഷ് താരം സ്റ്റീവ് ഹോഡ്ജിന്റെ കൃത്യസമയത്തെ ഇടപെടല് മൂലം ആ ശ്രമം വിഫലമാക്കപ്പെടുന്നു. പക്ഷേ അ ശ്രമത്തില് ഹോഡ്ജിന് ഒരു പിഴവ് സംഭവിച്ചു. അദ്ദേഹം ഗോള്കീപ്പര് പീറ്റര് ഷില്ട്ടന് മറിച്ച് നല്കാന് ശ്രമിച്ച പന്ത് നേരെ പോയത് മാറഡോണയുടെ മുന്നിലേക്ക്. പന്ത് പിടിക്കാന് ഷില്ട്ടനും ഗോളടിക്കാന് മാറഡോണയ്ക്കും ഫി്ര്രഫി ഫി്ര്രഫി ചാന്സ്. പക്ഷേ തന്നേക്കാള് 20 സെന്റീമീറ്ററോളം ഉയരമുള്ള ഷില്ട്ടനെ മറികടക്കാന് സാധിക്കില്ലെന്ന് ഞൊടിയിടയില് തിരിച്ചറിഞ്ഞ മാറഡോണ ആ അറ്റ'കൈ' പ്രയോഗത്തിന് മുതിര്ന്നു. ബോക്സിലേക്കെത്തിയ പന്ത് വലതുകൈ കൊണ്ട് തട്ടിയകറ്റാന് എത്തിയ ഷില്ട്ടനു മുന്നില് ചാടി ഉയര്ന്ന മാറഡോണ തന്റെ ഇടംകൈ കൊണ്ട് പന്ത് ഷില്ട്ടന്റെ തലയ്ക്ക് മുകളിലൂടെ തട്ടി വലയിലാക്കി. മാറഡോണ ആഘോഷം തുടങ്ങിയിരുന്നു. എന്നാല് മൈതാനത്തെ മറ്റുള്ളവരെല്ലാം കണ്ടിരുന്നു അയാള് കൈകൊണ്ടാണ് ഗോള് നേടിയതെന്ന്. ഒരാളൊഴികെ ടുണീഷ്യന് റഫറി ബിന് നാസര്. ടീം അംഗങ്ങളെല്ലാം തന്നെ വന്ന് അഭിനന്ദിക്കുമെന്ന് മാറഡോണ കരുതി. പക്ഷേ അതുണ്ടായില്ല. റഫറിക്ക് സംശയം തോന്നാതിരിക്കാന് തന്നെ വന്ന് കെട്ടിപ്പിടിക്കാന് അയാള്ക്ക് സഹതാരങ്ങളോട് പറയേണ്ടി വന്നു. ആ ഗോളിനെ കുറിച്ച് പില്ക്കാലത്ത് അദ്ദേഹം തന്നെ വെളിപ്പെടുത്തിയതാണിത്. ലൈന് റഫറിയായിരുന്ന ബോഗ്ഡാന് ഗണേവ് ഡോഷേവ് എന്ന ബള്ഗേറിയക്കാരന് വെള്ളവരയ്ക്കപ്പുറത്ത് അചഞ്ചലനായി നിന്നു. ബിന് നാസറിന്റെ വിധിവന്നു ഗോള്. ഷില്ട്ടന് അടക്കമുള്ള ഇംഗ്ലണ്ട് താരങ്ങളെല്ലാം റഫറിക്ക് ചുറ്റും നിന്ന് ഹാന്ഡ് ബോളാണെന്ന് വാദിച്ചു. യാതൊരു ഫലവും ഉണ്ടായില്ല. ആസ്റ്റക്ക് സ്റ്റേഡിയത്തിലെ ഇംഗ്ലണ്ട് കാണികള് ക്ഷുഭിതരായി. ചെകുത്താന്റെ കൈ എന്ന് അട്ടഹസിച്ച കാണികള് മാറഡോണയ്ക്കു നേരം കൂവി വിളിച്ചു. കമന്റേറ്റര്മാരടക്കം മാറഡോണയ്ക്കെതിരേ തിരിഞ്ഞു. അടുത്ത ദിവസം അയാളുടെ പേരിനൊപ്പം ഫുട്ബോളിനെ ചതിച്ചവന് എന്ന് അച്ചുനിരത്താന് ഇംഗ്ലണ്ടിലെ പത്രങ്ങള് ഒന്നടങ്കം തയ്യാറെടുത്തു. എന്നാല് നാലു മിനിറ്റുകള്ക്കപ്പുറം വില്ലനില് നിന്ന് നായകനായി മാറഡോണ പകര്ന്നാടി.
