Heta hi ka awm - Lunglei District PYD Choir(See Description👇🏻)

Kum 2018 kum chanve hnulamah khan Kum 2019-a District PYD Conference Mualthuama kan neih tur Theme song phuah turin District PYD Hruaituten min ngen a. Khawmpui thupui tur 'Heta hi ka awm' tih anih angin he hla thupuiah pawh hian Khawmpui Thupui tur hi ka hmang ta nghal a ni. He hla phuah tura min tih hian midangte pawh phuah tura an ngen ka rin tho avangin ka ngaihsak vak lova, ka phuah lawk lova, ka ngaihtuah zui em em lo. Mahse, kan hotuten 'i zo tawh em?' tia min zawh takah chuan la phuah tan chiah lo mah ila, 'zo tep' tiin ka chhang ringawt a. Tichuan, Pathian hnenah tawngtaiin ka dil ve a, hla thu leh style chi hrang hrang a lo lut ve a. Tichuan, he hla hi ni khat thil thuah, ka Hollow Guitar kuah chungin, a thluk nen ka lo phuah zo ta mai a, Lalpa tanpuinaa ka phuah niin ka hria, ka lawm hle. A hla pawh hi chang 4 tura ka ruahman a ni a, a thu pawh tlem chu ka ziak hman. Mahse, chang 3 hi ka duh leh ta zawk a ni. A hla thluk hrim hrim hi Fellowship-a sak ho dual dual tur ang chiin ka rilruaah a awm lova, zaipawlin an sak theih tur anga ruahman a ni. Tin, a satu turte hi Thalai kan nih avangin a hla thu pawh chona(challenge)-na lam leh hla tho lam chi, Inkhawmpui thupui mil thei tur ang bera siam a ni. Ka hriat theih chinah Lunglei District PYD Conference (a hranga kan neih)-ah hian Theme Song kan la neih ngai ka hre lova, he hla 'Heta hi ka awm e' tih hla hi Lunglei District PYD Conference (a hranga kan neiha) THEME SONG HMASA BER a ni ve-in ka hria. (Ka hriatsual chuan min ngaidam ula) He hla hi District PYD Choir ten hun chep tak karah Recording Studio pangngai pawh ni lovah an han record a, hetianga mawi tak maia an han sa chhuak hi ka lawm hle mai. (Ka rilru leh suangtuahna mitthlaa ka lo beisei ang erawh chuan an sa chhuak chiah lo deuh, a bik takin a thunawn hi....inthlahrung takin) Video hi hmun dangah hmuh tur awm tawh tho mah se, he Channel-ah hian ka han dah ve leh hrim hrim a ni e.