Achyutam Keshavam | Achyutashtakam | Dr.K.J.Yesudas | Krishna Bhajan

अच्युतं केशवं राम नारायणं कृष्ण दामोदरं वासुदेवं हरिम् । श्रीधरं माधवं गोपिकावल्लभं जानकी नायकं रामचंद्रं भजे ॥१॥ अच्युतं केशवं सत्यभामाधवं माधवं श्रीधरं राधिकाराधितम् । इन्दिरामन्दिरं चेतसा सुन्दरं देवकी नन्दनं नन्दजं सन्दधे ॥२॥ विष्णवे जिष्णवे शङ्खिने चक्रिणे रुक्मिणि रागिने जानकी जानये । बल्लवी वल्लभायार्चितायात्मने कंस विध्वंसिने वंशिने ते नमः ॥३॥ कृष्ण गोविन्द हे राम नारायण श्रीपते वासुदेवाजित श्रीनिधे । अच्युतानन्त हे माधवाधोक्षज द्वारकानायक द्रौपदीरक्षक ॥४॥ राक्षस क्षोभितः सीतया शोभितो दण्डकारण्य भू पुण्यता कारणः । लक्ष्मणेनान्वितो वानरौः सेवितोऽगस्तसम्पूजितो राघव पातु माम् ॥५॥ धेनुकारिष्टकोऽनिष्टकृद्द्वेषिणां केशिहा कंस हृद्वंशिका वादकः । पूतना कोपकः सूरजा खेलनो बाल गोपालकः पातु मां सर्वदा ॥६॥ विद्युदुद्योतवानप्रस्फुरद्वाससं प्रावृडम्भोदवत्प्रोल्लसद्विग्रहम् । वन्यया मालया शोभितोरःस्थलं लोहिताङ्घ्रिद्वयं वारिजाक्षं भजे ॥७॥ कुञ्चितैः कुन्तलैर्भ्राजमानाननं रत्न मौलिं लसत्कुण्डलं गण्डयोः । हार केयूरकं कङ्कणप्रोज्ज्वलं किङ्किणीमञ्जुलं श्यामलं तं भजे ॥८॥ फलस्तुति अच्युतस्याष्टकं यः पठेदिष्टदं प्रेमतः प्रत्यहं पूरुषः सस्पृहम् । वृत्ततः सुन्दरं कर्तृ विश्वंभरं तस्य वश्यो हरिर्जायते सत्वरम् ॥९॥ Transliteration achyutam kEshavam rAma nArAyaNam kRshNa dAmOdaram vAsudEvam harim shrIdharam mAdhavam gOpikA vallabham jAnakI nAyakam rAmachandram bhajE [1] achyutam kEshavam satyabhAmAdhavam mAdhavam shrIdharam rAdhikA rAdhitam indirA mandiram chEtasA sundaram dEvakI nandanam nandajam sandadhE [2] vishNavE jishNavE shangkhinE chakriNE rukmiNi rAginE jAnakI jAnayE ballavI vallabhA-y-Archita-y-AtmanE kamsa vidhvamsinE vanshinE tE namah [3] kRshNa gOvinda hE rAma nArAyaNa shrIpatE vAsudEvAjita shrInidhE achyutAnanta hE mAdhavA-adhOkshaja dvArakA nAyaka draupadI rakshaka [4] rAkshasa kshObhita sItayA shobhitO danDakAraNya bhU puNyatA kAraNa lakshmaNEnAnvitO vAnarau sEvitO agastasampUjitO rAghava pAtu mAm [5] dhEnukA-arishtakO-anishTa-krid-dvEshiNam kEshihA kansa-hrud vanshikA vAdakah pUtanA kOpakah sUrajA khElanO bAla gOpAlakah pAtu mAm sarvadA [6] vidyut-(u)ddyOtavAna-prasphurad-vAsasam prAvRD-ambOdhavat-prOllasat-vigraham vanyayA mAlayA shObhitOrahsthalam lOhitAnghri-dvayam vArijAksham bhajE [7] kunchitaih kuntalai-r-bhrAjamAn-Ananam ratna maulim lasat-kuNDalam gaNDayOh hAra kEyUrakam kangkaNa prOjjvalam kngkiNI manjulam shyAmalam tam bhajE [8] phalastuti: achyutAshTakam yah paTHEt prEmatah pratyaham pUrushah saspRham vRttatah sundaram kartR vishvambharas-tasya vashyO harirjAyatE satvaram